مرحبا بأعزائى القارئين الصامتين
الضانين عليا بالمشاركة وروعة النقاش
وبالرغم من ذلك تسعدنى ارتفاع عدد المشاهدة حتى ولو بدون ردود
المهم ان هناك من يتابع
و.....
ندخل فى الموضوع
كتبت منذ فترة بتاريخ 25\ 8\2009
فور اصدار الحكم على طلعت مصطفى ومحسن السكرى بالاعدام
موضوع بإسم ( يحيا العدل مؤقتا ) و كتبت فية بالحرف : ((لدى شعور قد يصل لليقين بأنة لن يتم اعدامهم
فهشام طلعت مصطفي وهو عضو في الامانة العامة للحزب الحاكم
وعضو في مجلس الشورى ويمتلك واحدة من كبرى شركات التنمية العقارية في مصر
وتقدر ثروته بالمليارات.
و أداة جريمتة محسن منير على حمدي السكري (الضابط السابق)
سيفلتا من حكم الاعدام بأى طريقة كانت سواء شرعية او غير شرعية
والايام بيننا ))
وهذا هو لينك الموضوع لمن يرغب فى مشاهدتة http://www.7ayatna.com/vb/t12179.html
وبالفعل ما توقعتة حصل
وها هم فى طريقهم للإفلات بفعلتهم ،
والحكاية مش عايزة فكاكة ولا إدعاء بالذكاء الخارق
على رأى المثل (( اللى مربى قرد ، عارف لعبة ))
وكلنا مش انا لوحدى ، عارفين وفاهمين وهارشين الفولة
وادينا بنتفرج على الفيلم لأخرة
كما سبق وكتبت عن نجيب ساويرس، موضوع بعنوان ( ما مصير نجيب ساويرس )
بتاريخ 19\1\2008
اى اكثر من عامين
وتوقعت لة ما يحدث الان
ومن ضمن العبارات التى وردت فى الموضوع : (( ماطار طير وارتفع الا كما طار وقع
هكذا تعلمنا من التجارب السابقة
ان مصير اى رجل اعمال استفحل نشاطة واستطالت اجنحتة
ان يسقط بسرعة الصاروخ
وعلى سبيل المثال شركات ومؤسسات تضخمت بلا حدود
كالشريف والريان وغيرهما )) وهذا رابط الموضوع لمن يرغب فى قراءتة http://www.7ayatna.com/vb/t5797.html
البعض يرى فيها عنصرية دينية ، بمن فيهم نجيب ساويرس نفسة ، او هكذا يدعى لصبغ الموضوع بصبغة دينية ، ولإعطائة اهمية لا اساس لها ونظام دى بلدى ومش حاسيبها ومش عارف اية
و دة طبعا لحشد شعبية تتعاطف معة - من الداخل والخارج - ( واخدين بالكم من حتة الخارج دى ؟ ) .. طيب .. نكمل
لكن الحقيقة _ من تصورى الخاص _ انها مسألة مبدأ
ومن خلال تجارب من سبقوة يفهم ان العبارة وما فيها
انجح بس فى حدود ، اكبر بس فى حدود ،العب بس فى حدود
نفوذك يكون لحد النقطة دى وبس .. فاهم يا أمور ؟
واذا تخطيت حدودك ... المقص موجود ، لقصقصة جناحاتك يا جميل
و إذا مااتعظتش حايتركن المقص ويتشد ريشك بالإيد ريشة ريشة
وكل ريشة تطلع بالدم
وانت اللى ما فهمتش الدرس يا نوجة
والموضوع ولا له علاقة بمسلم ولا بمسيحى ولا بإسم الله عليهم كتاكيتو بنى ( البهائيين )
دى مسألة مبدأ
ياريت نقراها صح ونفهمها صح
وارجع اقولكم
شوفتوا ان كان معايا حق ؟ جالكم كلامى ؟؟؟
.gif)
.gif)
.gif)
.gif)
« آخـــر الـــمـــشـــاركــــات »
مش قولت لكم ؟ جالكم كلامى ؟
